Tauchen die großen schwarzen Rückenflossen im Wasser auf ist Gänsehaut garantiert!
Infotafel: Datum, Uhrzeit Tide, Anzahl Orcas |
sie kommen! |
Aber auch alles andere ist bezaubernd schön und hinterlässt bei uns sicher bleibende Eindrücke!
Von mir nu a kloana Input wie des hier so lauft in Argentinien mit de Argentinier und warum uns des do, unter onderem, ah so taugt:
I woar a weng poschert und hob de Moccacafekonn obi g´haut. (Beim Obwoschn, eh kloar des soin Männer net mochn, oba des is a ondane G´schicht...).
Auf olle Fälle hob i ma a weng überlegt wia ma des wida richt´n kunnt, weil so woar de Konn eigentlich unbrauchboar. Guat I hob so a Idee ghobt. Oba dafür hob i 2-3 Minilöcher in den Griff boren müssen und an Droht hob i braucht und so weiter eben...
Auf olle Fälle hom ma in Purto Madryn a weng g´suchat und do homma sowos wia an Baumoarkt gfunden. I, eini mit da Konn und amoi gschaut, gibt´s an Droht, kriag I an Bohrer. Bohrer jo oba im Dreierpock, Droht na. Oiso suach I noch an Verkäufer. I frog den in mein supa Spanisch, "do you speak English".... Er soagt Gottseidonk "Yes". Stell da foar, wie soi I dem auf Spansich erklären, das I do borhen wü und an Droht brauch...
Und donn sogt er nu zu mir, er is sicher in dem Geschäft do herin da anzige der Englisch konn. Wos für a Glück hob I denn.
Auf olle Fälle erklär I earm wos I brauchat oda mechat und don samma a scho los. In de Obteilung mit de Bohrer, er frogt dort ob ma an auspockn kennan. Passt - an Dreierpock aufgmocht. Donn hoit a nu an Akkuschrauber. Passt - besorgt er ah. I bohr dawei im Gschäft, neben de ondan Leit de einkaufn, schnö amoi 3 Löcher in den Griff. Er suchat dawei an Droht. Verkaufen dann´s sowos do net, oba irgendwo findet er an dünnen, der ah a weng herhoit. Passt, er kimmt mit ca. 1m Droht zruck. Der geht ins Lochal genau eini, perfekt. Denn Rest moch i donn im Bus fertig weil ois ondane hob i eh mit. I frog nu wos des kostet, Boher, Droht und so weiter. Er sogt, " No, no problem" und is happy das a ma ghoifn hot. I woar erst happy und hob mit eam nu a weng g´schatzt warum a so guat Englisch kon und so weiter. I sog eich und so is irgendwie dauernd do. Jeder hüft da, irgendwie is ois net so schlimm und es geht scho irgendwie. Des is so super, und I wünsch des an jedem, dass des immer so funktioniert.
Übrigens so schaut de Moccakonn jetzt aus, konn ma wida tadellos hernemma.
Danke an den netten Verkäufer in dem Baumoarkt.
Danke für den liaben Bericht, i muaß grod ziemlich lochn, wia so oft mit dir! Oba obwoschen deafst trotzdem gern wieder!
Jetzt noch a bisserl Valdes-Bilder:
Heut ist so ein Tag wo nicht so viel los war, wenig Ablenkung. Da fehlt ihr uns alle ganz besonders. Schreiben und Mailen ist halt doch nicht so wie wenn man sich sieht und gemütlich quatscht. Es geht uns zwar bestens hier und wir sind froh das erleben zu dürfen, aber ....
euch alle, unsere Familie und Freunde, kann das verzauberndste Inselchen nicht ersetzen!!!
Seid umarmt, bis bald!
Keine Kommentare:
Kommentar veröffentlichen