Jetzt ist schon wieder etwas passiert - so würde es zumindest der Wolf Haas beginnen…
Wir woin eich so oft wir Zeit hom jetzt a nun mit Bewegungsideen versorgen. Weil grod a poar Leit´n vo meine Rückenkurse hom gmant des muast scho moch´n, so mit Videokonferenz, oda Skype.
(und außerdem is jetzt daham grod de Kursstartwochn...)
Des wiads net wearn, oba ob und zua an Input des gibts ob jetzt donn a.
Weil i muas eh ah a weng wos für mi toan, sonst wir i ah glei marod und mir tuats Kreiz weh. Und da Dagi schot´s a ned, de wiad oba eventuell so eher Yogamässig wos mochn.
Ausserdem gibt´s do, zumindest in Uruguay, voi oft so Fitnessgeräte umanodastehn und ma siagt ah imma o poar werkn.
Und aufpasst: Wichtig is bei da Soch mit Bewegung und Sport nur
-> ma mocht regelmässig a weng wos und es muas Spaß mochn. I man mehr geht immer eh kloar….
Und nu wos: ma ko imma irgendwo wos a weng wos mochn
So zum Onfoga gibts an Drippelpack:
Mobilisieren is imma wichtig am Onfong
 |
| Stabiler Stond, und in de Läng drückn |
 |
| und donn, guat abgestützt in die Beugung, des a poar moi, de Streckung is wichtiga... |
 |
| und donn, stabil stehbleib´n und mit de Oarm noch vorne oben ziag´n. (Oarm san aussenrotiert) |
So des reicht amoi für´s erste. Und tats brav mitdoan.
Bis demnächst...
Aus guat´m Grund gibt´s heit de 2. Übung von a´m Spezial-Gost.
-> von Dagi gibt´s a Übung zu ihr´m Geburtstag 🎉🎁 .
Mein lieber Schatz alles gute von mir zum Geburtstag, schön dass du mit mir hier in Südamerika bist und ich freu mich voll des mit dir teil´n z´kenna.
Dickes, dickes Bussal 💋.💝💓💗..
So de Übung:
 |
| Klassischer Beckenlift - Becken heben und senken, Spannung in der Mitte halten; Arme können alternativ auch mitgehoben und gesenkt werden... |
I hob gheart das dahoam scho fost zum Skifoarn wird und deshoib gibts heut a Übung für olle de boid Skifoarn gengan. Des is heit sogoar a Video (Wow, geh...)
Des is zwoar a Trainingsgerät, oba des konn ma dahoam ev. a ohne dem Gerät probier´n. Ihr miast hoit a weng hupf´n. Linka Hax`n umi aufn rechtn Hax`n, ( Wichtig: Beinachse immer beachten) und donn imma a nu a weng in de Knia gehn. -> soll hoasn: des Bein a weng beugen...
Man konn des a beidbeinig mochn bzw. probieren.
Wichtig immer: es dearf nix wehtua´n.
I frog mi nuar warum de a Skitrainingsgerät do hom? Weil in olle Städte wo ma bisher woarn, homs sicha nu koan Schnee gsehg´n??
Vü Spaß, bis nä. Woch´n oda won´s hoit wida geht.
Scho wieda a Gastauftritt im Bewegungsblock. Wir woarn in Cordoba einglodn bei voi nettn Leitl´n. Do homma a supa Argentinisches Asado (Grillerei) kriagt. Und do hob i mi glei mit ana kloan Trainingseinheit bedonkt...
 |
| Gus, Esther und die Hunde lernen den Squat.... |
An dieser Stelle auch nochmal: Danke an Gus und Esther für die Gastfreundschaft. Es war sehr, sehr nett bei/mit euch.
Bis bald...
So kurz vor´m Turndienstog gibt´s hoffentlich a neie Übung. I sog eich des Internet is do wo ma jetzt san, longsoma wia a Schneckn. I man uns is eh egal, wir hob´n jo Zeit, oba fad is troztdem. Do tat i liaba wos ondas. Oiso trainiern...
 |
| So wia a Ruadagerät, Beschreibung sie links auf spanisch 😂😀 |
vü spass derweilen
So endlich moi wida wos poasten....mei is des stressig (ha, ha, ha...), wenn ma koa Internet und tw. a koa Telefonnetz hot.
Nix, nedamoi an 1/4 Anschluss zum telefonieren, wo ma mit voi schnö auf die Gobi druck´n nu wen aussi haun hot kinna (nur für olle de des nu kennan😜)
Oba zur Übung, bzw. heit is a Tip für de Ausdauer und do gibt´s amoi a Video.
Der Tip ist speziell für meinen super Bruder.
An dieser Stelle übrigens Danke für dei Hüfe im Vorfeld 😍
Und imma aufpassn beim Biken, das eich´s Radl ned davonfoart
So, vü Spass dawei.
Hola todos. Für olle de no mitdabei san und schee aktiv de Übungen mitmachen, gibt´s heit glei zwoa. Weil es geht si eh net imma aus dass ma wos einistellen. De Übungen san am Cerro Prismatico aufgnommen worden. Des is a supa scheena Stellplotz auf ana Klipp´n mit Blick auf´s Meer. Supa geil do a poar Übungen z´mochn.
Dahoam is glaub i grod a weng da Winta eingekehrt, do kinnt´s es hoit vorm Panoramafenster im Wohnzimma mit Blick auf´n Schnee mochn 😄⛄⛄⛄.
Sodann, olle Übungen mit an Theraband oda ähnlichem, eher fürn Schulterbereich:
1: Den Arm gestreckt seitlich nach oben wegheben und senken, bzw. wieder zur Mitte zurückführen
2. Den Arm abgewinkelt und Ellbogen am Körper anliegen lassen, dann den Unterarm nach innen ziehen
Viel Spaß beim Üben und bis bald dann.
Servus mitanond, I gluab es geht wiad ah weng a Internet und do konn i ah wida amoi a Übung einistohn. Heit leicht gefälscht, weil grod heit is do wida amoi a typisches Patagonien-Wetter g´wehn. In da Frua san ma bei 18 Grad Plus und leichtem Föhn aufgstond (-> glei in de kurze Hosn gflackt...) oba ob ca. 14.00 Uhr windig und Regen und donn nur mehr ca. 7 Grad (-> glei in de Daunenhacke und drüber Regenjacke gflackt...)
Oiso gibts heit a Foto des hob I scho in Iguazu vorbereitet bei ca. 35 Grad PLUS!!! (warat a guat oda). Auf olle Fälle is de Übung für de "Extensorenschlinge", Rücken, Hintern und ah da Oberschenkel hinten). Wie immer guat Stabilisiern im Rumpf und donn des Haxl entweder gestreckt od. im Knie gebeugt heben und senken. Wichtig ah a guate Aktivierung im Schultergurtel um die Schuler stabil zu halten. D.h. die Arme schieben guat in die Länge, so wia beim, Liegestütz nur hoit gestreckt halten (I hoffe des is verständlich??)
Sodalla, es gibt wida amoi a Übung. Diesmal für die CORE Aktivierung.
Dagi mocht des glei supakorrekt vor.
Wichtig is bei der Übung: Coreaktivierung muaß passen. Beckenboden, Tranversus etc...eh scho wissen. Lendenlordose Neutral halten, nicht mit der LWS in die Unterlage drücken...
Beide Beine in der Position oben (90/90/90 Grad) und dann mit einem Bein Fersentips. ca. 10-15 Wiederholungen und dann auf das andere bein wechseln. Das Wichtigeste die CORE-Position muss gehalten werden und immer locker weiteratmen.
Viel Spass dabei bis bald.
So, de letzen Übungen vor Weihnachten, donn is a weng a Ruah mit de Online-Übungen, I muas ah a moi a weng Urlaub mochn. Sunst übaoarbeit I mi nu 😀😀😀!!
Zur Übung: I bin für diese Übung ans Ende von da Welt gfoahrn und hob koane Kostn und Mühn g´scheicht um de Übung in den Fotokosten zu kriagn. Am letzten Ecke der Ruta National 3 in Ushuaia hob I donn de klassischn Liegestütz obadruckt jeweils 3 mal 20 moi, des woar onstrengend oba für eich moch is des gern.
De schwarane Varianten für de Superprofis und de leichtanare Varianten für olle de ev. Schulterprobleme odo sowos hobn. Egal, woiche ihr mochts: Hauptsoch ihr mochts wos, wia imma.
In dem Sinne, scheene Feiertog und a guats Neichs Joahr. Und 2020 gehts donn weida.
Sodala, es geht weiter im 2020er Joar. I hoff ihr sats olle voi guat Grutscht und guat umikumma ins neue Joar. Mit vollem Power (wir san in Chile und do is des Internet, vois ma amoi ans hob´n bessa...) gehts wida weida.
An oan supa scheen Platzl an an Flussal (Rio Simpson) hots a Fotoaktion gebn. Es gibt jetzt amoi Mithüfe von Stoanan a poar Übungen.
De 1. amoi wie folgt:
Für den Bizeps (da 2.wichtigste Muskel fua puberdierende Jugendliche...)
Stabilen Stond und donn gehts dahin; Unterarme heben und senken, Oberoarme am obakörper ongelegt lossn. Sehgts, gonz oafoch. Der Stoa derf scho a bissl a Gwicht hobn, so das da 1. Sotz mit 20 WH bei de letzten 5 Wh guat spürbar is. Donn mind. 3-4 Sätze und fertig für heit. Vü Spass 💪
Stabile Stondposition, neutraler stabilisierter Obakörpa mit guater Voronsteuerung aus dem CORE-System. Kopf in Verlängerung, net übastreckn.
Donn werden de gestreckten Oarme im Schuitagelenk gehoben und gesenkt. Kräftigt die vorderen Onteile vom M. Deltoideus und natürlich statisch de Rücknmuskeln.
So brav üben Bitte. Boid gehts waida mit Übungen.
Weitergehts mit der nächsten Übung:
Ausgangsposition wie bei der Übung vorher und donn oba a bissl ondas. Den Stoan, oda des schwere Teil mit dem ihr hoit übts links und rechts drehen. De Bewegung so net aus den Oarme bzw Schultern erfolgen, sondern es soi der gonze Oberkörper rotiert werden. Guat vorangesteuert sodass der Rumpf ois gesomtes stabil bleibt. De Beine bleiben ah ohne Bewegung, nur den Oberkörper hin und her drahn. Wer es intensievr wü, mocht de Rotationsbewegung einfoch a bissl flotter. Vü Spass weiterhin
Weiter gehts mit der nächsten Übung:
Wieder etwas für die Schultermuskulatur. Da miasn hoit olle a weng aufpassn, de Problme mit da Schulter hobn. Weil ma hebt de Oarm üba de Schulterachse hoch. Wenns Probleme oda Schmerzn gibt, donn nur bis zu dem Punkt wo es donn Wehtuan onfongt hochhebn. Ansonstn, wie geht de Übung.
Is net wirklich a Hexerei. Aus da scho bekonnten stabilen Stondposition einfoch beide Oarme noch oben heben. Des kinnts mit Gwichtl (Stoana, Hantel, Therabandl) oda a gonz oafoch nur mit dem Gewicht der Oarme mochn. Wichtig is imma nur, dass es eich net weh tuat und das ihr de stabile Stondposition hoit´s.
Wei grod jetzt wo de meisten Kurse dahoam leida jo net stottfinden kennen, (und nur Bierlitrinken auf dauer ah koa Lösung is) gibt es aus den Fundus a neie Übung.
Wida mit Stoana. Oba wie scho erwähnt konn ma des z.B. mit oana Wossafloschn ah mochn. Und des hot sicha jeda dahoam und damit hot a koana a Ausred nix zu mochn.
Wer scho Beschwerden hot, konns zumindest ah ohne Gwichtl amoi probier´n obs geht. Wenns foi weh tuat natürlich net mochn, eh kloar.
Wie imma, aus dem stabilen Stond in da Grundposition gehts los. Donn a weng in de Kina obigeh und den Überkörper etwos noch vorne neigen. Des Gwicht oda de Stoana etc. in beide Oarme nehmen. Es sollten beide Handflächen nach vorne zeigen (die Oarme in ana aussenrotierten Position).
Die Bewegung selber wird mit den gesamten Oarmen ausgefühtrt und seitlich neben dem Körper nach oben geführt. Die Schultern bleiben replaziert (bewegen sich nicht mit), sondan nur de Oarme heben und senken. Kopf und Nacken soll in der neutralen Position bleiben und nicht mitbewegt werden. Der Rücken/die Wirbelsäule soll bei der gesamten Übungsausführung stabil und neutral gehalten werden. Sprich eine gute Voransteuerung des CORE-Systems ist wichtig.
So vü Spass bei da Homework
Wir hobn Zeit, so wie olle momentan. Des is oba goa net schlecht, weil so konn ma Dinge tuan, de ma scho long nimma gmocht hot und de oba, wia ma nu Zeit ghobt hot, Spass gmocht hom.
Somit hom mia a wida neue Fotos gmocht und es gibt heit glei amoi 2 Übungen für eich. I hob des söba ah erst seit longem wida amoi gmocht und geh leck, I hob an Musklkoda ghobt...
Wir mochn amoi wos für de Haxn:
Schritstellung und donn beide Knie beugen und obigeh. De Oarm kennen seitlich oda noch vorn gstreckt sein, des is nur a Nebeneffekt, ma konns ah obihänga lossn. Beim Obigeh den Obakörpa nu zum vorderen Knie drehen. Donn lonsgom wida hoch und den Oberköpa wida zur Mitte drehn. Pro Schrittstellung zw. 15-20 Wh und 2-3 Sätze. Wichtig, wie imma, stabil aus da Mitte.
Des 2te. Übung is a für de Haxn, oba des is a dynamische Übung. D.H. nur für olle de koane Probleme mit Knia, Hüft´n etc. hobn. Weil wichtig is imma, es derf eich nix wehtuan beim üben.
Aus dem stabilen Stond noch vorne steigen in die Schrittstellung und donn oba glei wida noch oben in den Stond zrucksteigen. Probierts amoi.
 |
| Vieristeigen |
 |
| noch vürn obi geh in de Schrittstellung |
Die letzte und wichtigste Übung im Bewegungsblock:
Die ist nicht anstrengend, aber die sollt ihr so oft ihr könnt mit mindestens 100 WH am Tag üben....
Ach ja stimmt, aktuell offiziell nur mit engen Familienmitgliedern, gell...
-> aber dann später, wenn ma wieder darf, dann gehts wida mit jedem 😉😉
Danke an Alle und vor allem an meinen Schatz: Umarmung und Bussal!!! Hab dich lieb
Ich dich auch
Keine Kommentare:
Kommentar veröffentlichen