7. Das Warten hat ein Ende

Juuuuuhhhhhuuu, 06.09., 16.30 Uhr - wir hob´n den Bus, er is do. Völlig heil, nix kaputt, nix einbrochn oda gstoin. 

Des gfreit uns amoi. Zeugs ausm Hostel hoin, einkaufn und ob gehts in de Freiheit......
Fast - weil a bisserl homma uns scho no vom Hostel und de netten Leit dort verabschieden miaßn - und natürlich wolltn´s unser Auto sehn!

Oba....wohin foarn ma jetzt ois Erstes? Ned weit amoi, null Sprudl, sofuart tanken (wirklich NULL!, kein einziger Strich mehr bei der Anzeige, i hob scho a bisserl gschwitzt). Wos für a freid wenn ma den Betrog siagt 4270.- für Voitanken, do foin da de Gugga aussa (eh Uru Peso, oba umgrechnet a nu dreistellig).
Egal wir kinnan jetzt endlich losfoarn.

Richtung Osten amoi zum Paradiso Suizo (des is der Name von dem Campingplatz, wo san wohl die Besitzer her...?), empfohlen von allen SA-Reisenden. 1. Onlaufpunkt für olle Overlander zum Auto-ein/umrama und schlichten. Der is ca. 1 h vom Montevideo entfernt, oba dafür safe. Wir kumman in Stockfinstan on und kriagn a nu an Campside. (Schatzi, bitte wieder mehr deutsch, ned englisch, bitte!)
1. wirklich wichtiger Akt. - ein Begüßungsbierli. Cool, wei de hom do 0,96 l Floschn, des zoit si wenisgtens aus. Voroim wenn ma an gonzn Tog nix gessn hot. Ja das stimmt.

Am nächstn Tog segma amoi wies do eigentlich ausschaut. Hauptsächlich stengan do soiche Autos:

Oba wir san voi dabei

Da Strond is ca. 100m weit weg. Zapfig ob fost neamd ondara unterwegs

Und a supa Stimmung wenn da Nebi aufiziagt. Stimmt, woar genial. Soooooo schön!
Aber!
2 Sachen sind vorher noch passiert:
1.Meim Hasi is in der Früh ins Kreuz eingschossen. Erste Nacht harte Matratze, kein weiches Betterl mehr - und scho is passiert. Is halt nimma 20. Grins!  und
2. Wir waren einkaufen und was essen. "Fast Food", nur Burger, Pommes usw., a bisserl wie Mc Donalds. Viel Hühnerzeugs. Jeder der den Raimund kennt weiß, ...der mag ka Hendl! Jetzt woit er auf Nummer sicher gehn und hat a "Milanese" bestellt (=Wiener Schnitzel, hier Mailänder Schnitzel genannt). Die Dame beim Bestellen hat des öfteren gesagt das ist Poscho.Wie? Poscho! Häääh? POSCHO!!! Si si, passt scho. Was kummt? A Hühnerschnitzerl... (des Gsicht war wie damals bei der Weihnachtsfeier, wer dabei war kennt sich aus!)  und gemeint hat die Dame "pollo" = Huhn, nur die sprechen das hier ganz anders aus als wir das gelernt haben! Des Spanisch....

So und jetzt schnell freigeben und online stellen, bevor er liest was ich noch eingefügt hab in seinen Bericht! Grüße und Busserl euch allen!